Rinku Rajguru Movie Better Half Chi Love Story teaser out

• July 25, 2025
• Ultra Team

अभिनेत्री रिंकू राजगुरू , प्रार्थना बेहेरे, अभिनेता सुबोध भावे , अनिकेत विश्वासराव असे मराठी मनोरंजन विश्वातील लोकप्रिय कलाकार असणारा रोमँटिक विनोदी चित्रपट पुढी महिन्यात प्रेक्षकांच्या भेटीला येणार असून, या सिनमाचे ‘बेटर-हाफची लव्हस्टोरी’ असे हटके नाव आहे. सुशीलकुमार अग्रवाल आणि अल्ट्रा यांच्या या चित्रपटाचा टीजर नुकताच प्रदर्शित झाला.

‘बेटर-हाफची लव्हस्टोरी’ या चित्रपटाचा टीजर प्रेक्षकांची उत्सुकता वाढवणारा ठरला. या सिनेमाची कथा सुबोध भावे यांच्या पात्राभोवती फिरते, ज्याच्या पत्नीचे निधन झाले आहे, पण तरीही त्याला तिचा भास होतो. त्यातून बाहेर पडण्यासाठी तो प्रयत्न करत आहे. या एकूणच प्रक्रियेत विनोद निर्मिती होते आणि त्यात रहस्यही आहे. येत्या 22 ऑगस्ट रोजी या रहस्याचा उलगडा होणार आहे.

दरम्यान सिनेमाच्या पोस्टरवरुन रिंकू आणि सुबोध नवरा-बायको असावेत असे वाटते, टीजरमध्येही ते एकमेकांना मिठी मारताना दिसले आहेत. अनिकेतने सुबोधच्या मित्राची भूमिका साकारली आहे. आता प्रार्थनाची भूमिका काय असेल हे पाहणे महत्त्वाचे ठरेल. ‘बायको गेली… पण ड्रामा अजून बाकी आहे! प्रेमाच्या गोंधळात खळखळून हसवायला येतेय ही आगळीवेगळी ‘बेटर-हाफ ची लव्हस्टोरी”, असे कॅप्शन देत सोशल मीडियावर हा टीजर शेअर करण्यात आला आहे.

दरम्यान संजय अमर यांनी या चित्रपटाचे लेखन, छायांकन आणि दिग्दर्शन केले आहे. रजत मीडिया एंटरटेनमेंटने या चित्रपटाची निर्मिती केली आहे. साजन पटेल आणि अमेय नरे यांनी या चित्रपटाला संगीत दिले आहे. संजय अमर यांनी असे म्हटले की, ‘आजच्या प्रेक्षकांना ही कथा नक्की आवडेल. आम्ही विनोदी पद्धतीने काहीतरी वेगळे सांगण्याचा प्रयत्न केला आहे. हा चित्रपट सगळ्या वयोगटातील लोकांना आवडेल.’

तर निर्माते रजत अग्रवाल यांनी अशी प्रतिक्रिया दिली की, ‘ही कहाणी फक्त मनोरंजन करणारी नाही, तर एक वेगळा अनुभव देणारी कथा आहे. आम्ही उत्तम कलाकार आणि एक नवीन कथा घेऊन आलो आहोत.’